齊記美食

屯門虹橋齊記美食，係齊柏林熱狗嘅子品牌。作為屯門人，見到成日有人排隊，點都要試一試。


💸 $38 雙餸飯
餸菜選擇幾多，我今次揀咗梅子排骨 + 通菜炒牛肉、三杯雞 + 娃娃菜。


🍗 三杯雞大大舊肉，仲有洋蔥同九層塔，香味幾足；梅子排骨同通菜炒牛肉就屬於正常發揮，味道唔差但唔算特別出色。娃娃菜份量唔少，配飯食落幾飽肚。


😅 整體嚟講，味道一般，份量算足，不過坊間有人話好食過權發，我就覺得有啲誇張。


📍 齊記美食
屯門新墟青菱徑3號東威閣地下G03號舖
🕐 11:30 – 21:00