齊記美食

营业中

休息中

作為屯門人，點都要食下😳一直都好想試，難得今日朋友約一齊掃街食外賣今次嗌咗西蘭花同煎肉餅，食落好好味嘅煎肉餅比較普通嘅西蘭花，但係會有下次，因為真係堅抵同埋睇落衛生都唔錯👍$38一個雙餸飯，真心講覺得唔錯分分鐘平過食燒味飯，支持👍

經過見到幾多人, 不如又排隊幫襯下, 見到個口水雞🐔幾靚仔, 買一盒比家人吃, 自己買左白菜仔🥬配肉碎蒸蛋🥚🍳雙餸飯, 算係比較清的配搭, 回家一睇, 原來白菜仔都比得幾多,白飯份量也不足, 肉碎蒸蛋🥚🍳肉碎食到甜味😋👍水蛋亦蒸得好滑, 撈埋d飯一起食, 簡直好好味😘 兩餸飯收38蚊, 相對比較便宜, 而且份量唔少, 食落都好住家feel, 難怪多人排隊😆😅👍

每次經過齊記都想幫襯但真係難坐係街食😂今次夾到時間買返屋企食兩餸飯💲38揀咗三杯雞 惹味有洋蔥同九層塔 勁大舊肉🤤蒜泥白肉份量多到癲咗 食極都仲有 有啲辣但好送飯叫咗少飯都好飽 下次可以share食/分2餐😂

豬手 : 份量很少, 只有4塊, 而且多骨少肉, 唔難食, 但唔算好食, 因為多數係骨, 其實都食唔到好唔好食。煎釀虎皮尖椒 : 非常鹹, 好多油, 有6條, 但好細條, 虎皮尖椒煎得好燶, 一夾起嚟就肉椒分離, 呢個真係唔好食, 好鹹好多油4塊豬手骨 + 6小條煎釀虎皮尖椒 = $52 非常唔抵食，有啲搵笨嘅感覺上次叫咗三樣餸, 三樣餸都麻麻哋, 其中最差係回鍋肉, 好少肉得一兩塊, 啲菜炒得一pat嘢咁, 唔好食 … 今次又唔得, 俾咗兩次機會佢, 冇下次了

聽講係高質雙餸飯，即管試下~ 啲餸都多choice~ 叫咗2盒兩餸 52一盒~ extra加多盒淨飯叫咗個蕃茄肉丸粟米魚柳椒鹽豬扒，炸得唔會太熱氣仲有琵琶豆腐，不過份量就少啲整體好食，但唔算勁抵食！不過就唔會好鹹，相對就健康啲~

雖然住得好遠 但係有時諗唔到食啲咩嘢，我都會揸車過嚟食，平靚正有，有家的感覺，有鑊氣，飯香餸熱，差唔多每星期都會食一次，未試過失準，極度推薦，繁忙時間可能有人龍。

平時經過次次都排長龍，難得今次假日4點經過冇人，就買咗個【三餸飯】（$42）試下。一去到啲姐姐就好熱情問我食乜，又推介今日有乜菜。因為款款都勁吸引，所以選擇困難症嘅我企係度惗咗勁耐要乜餸好，不過姐姐都好好人咁笑住話唔緊要慢慢惗。💵留意只收現金，因為我冇帶現金，結果姐姐裝好咗仲要等我去禁錢，好彩真係好好人完全冇黑我面。本身想食蒸魚，但咁啱今日冇，就點咗個時日推介嘅【梅子排骨】、好多人推介嘅【咕嚕肉】、仲有睇落好脆口嘅【椒鹽豬扒】。開頭以為三餸飯嘅話餸嘅份量會少啲，但每款份量都超多，完全夠兩個人食。梅子排骨啲豆卜排骨好入味，咕嚕肉甜酸度啱啱好又爽口，椒鹽豬扒唔好香口炸得啱啱好。唔怪之得平時咁多人排隊，食完已經好想encore其他餸💛

當唔想煮飯既時候😝兩餸飯可以算係又平又抵食嘅選擇💛齊記美食 平時見人介紹佢哋既兩餸飯打開係好澎湃 仲要有盒紙包飲品送 今晚就試吓佢先🤭兩餸飯 $36（椒鹽豬扒+勝瓜木耳炒肉片）椒鹽豬扒醃得幾入味 唔怪之得見咁多人揀勝瓜木耳炒肉片 肉片淋身 唔鞋口 勝瓜打開仲好翠綠 木耳夠爽口 兩餸飯有菜有肉 呢個係唔錯嘅選擇😁兩餸飯 $36（麻婆豆腐+鹹蛋蒸肉餅）呢個係唔辣版嘅麻婆豆腐 豆腐唔太嫩不過麻婆豆腐確實係送飯一流 鹹蛋蒸肉餅 肉餅好厚身 上面鋪上鹹蛋黃味道算唔錯 呢個價錢有埋紙包飲品送仲可以食到兩個餸 確實係相當化算🤭💛 齊記美食 📍屯門青菱徑3號東威閣地下G03號舖📍新蒲崗寧遠街3-23號越秀廣場地下G18號舖📍元朗屏昌徑14-48號聯發樓地下14E號舖#齊記美食 #紅橋美食 #紅橋黃店 #屯門黃店 #黃店 #黄色經濟圈 #屯門 #屯門美食 #黃店推介 #懲罰黃店 #相機食先 #良心小店 #食好西 #打卡 #午餐 #晚餐 #兩餸飯 #三餸飯 #hkig #Tuenmun #foodblog #hkfoodie #foodie #foodieblogger #foodiehk #blo

話說 每逢星期六日諗唔到食乜我地一家就會諗起 齊記皆因佢價錢ok 份量又足 仲好好食-每次去到都有好多款選擇 對於有選擇困難症嘅人來講 都幾煩不過我多數都會選擇咕嚕肉同埋椒鹽豬扒呢兩個餸一定冇問題咕嚕肉仲係勁脆身 有咬口2個都係送飯神器另外都有試過食佢既3杯雞好微既辣 連呀媽唔食辣都話可接受 食得好滋味👍🏻另外亦都有時候會叫勝瓜炒肉片 羅漢齋清清地 起碼有啲菜食 唔洗便秘😂😂-價錢方面 因為我地係拎番屋企食 自己煲落飯所以係剩2餸 2盒Total 4餸 100$

屋企懶得煮飯，唔知食乜好😂所以就是旦外賣個三餸飯返去食。平時見佢要排隊買，所以肥米就試下！佢啲餸多到個盒都差啲閂唔到，見到佢哋係咁塞爆個盒！😂估唔到會係成條倉魚放入個飯盒到！條魚都唔細，係平時喺街市買到嘅倉魚size。啲生炒骨就一般般啦~咬落去唔係話好多肉。而個豬扒都係正正常常( ´▽` )ﾉ但係肥米覺得50幾蚊有成條倉魚同2個餸，仲要咁滿！咩都抵食啦！🤣#齊記美食 📍 屯門青菱徑3號東威閣地下G03號舖

留意左呢間新開架兩餸飯好耐喇，之前返兼職夜班成日都諗住買黎做晚餐。一直都未有機會。然後過左一排唔洗再返兼職都仲記得齊記。終於有一晚下午六點幾有幫襯喇。遠處已經見到長長架人龍，大約二十二十幾人左右。都排左約15分鐘除左人龍，仲見到餐牌—— 兩餸飯$36 三餸飯$42 / 單餸$40 兩餸$50 白飯$10重有鯧魚價錢 單買$40餸菜款式有十數款。我就買左2盒兩餸分別叫了肉粒炒豆角、咕嚕肉、豬扒及萵筍炒肉片。味道唔錯，咕嚕肉炸到香趣肉冇怪味，肉粒炒豆角最好味有少少辣，豬扒都係香煎既，萵筍炒肉就好爽唔會好油。跟飯仲有盒飲料送

今日經過屯門紅橋想買晚餐見到齊記排了長長的人龍時值六時目測排了二十人既然來到就來試試他們的兩餸排了二十分鐘左右到我問店員那盤是否肉餅她勁不耐煩說”無肉餅呀“再問她那是什麼”雞扒呀“那我在思考的兩秒間又催促“要咩呀咁?”於快速點了扒豆腐和煎雞扒她一面不悅地把食物裝好非常不愉快的購買體驗回家試試味道也是不外如事雞扒醃得過火雞皮份量佔了三分一扒豆腐沒什麼汁也沒什麼味道應該不會再幫襯第二次下次如果買兩餸會試試附近的朗豬爸爸

❌蒸水蛋：睇YouTube見到話呢度蒸水蛋好食，所以過咗嚟， 重點係：YouTube裏面係有齊記美食創辦人對答，佢哋話自己蒸水蛋裏面有粉絲，所以我今次特登山長水遠過嚟食，好可惜，食咗兩舊蒸水蛋，裏面都係冇粉絲的⋯⋯⋯真係昆人⋯⋯⋯原來係普通蒸水蛋，咁我唔使特登過嚟啦⋯⋯唉🥲🥲🥲⭕️麻婆豆腐：辣度中等，適合所有人的辣，不過唔算好香，豆腐唔滑，醬汁OK。😅⭕️土魷肉餅：魷魚較多，不過好薄身，味道唔錯，不過口感實在太薄⋯還可以，好多地方都做到的口味😅❌鹹蛋黃蒸肉餅，呢味唔得，調味太鹹⋯🤢🥴整體好一般，如果住樓上樓下就可以去食，住遠兩條街都唔使去了。劣評，對佢個蒸水蛋好失望，完全同佢老闆講嘅係兩回事😑😑😑，冇粉絲😑😑😑😑😑😑水蛋滑既，但係冇粉絲嘅水蛋，周街都係啦，同佢老闆條片講嘅不一樣

次次經過都好多人 今次襯人少少買左盒飯返去$40唔洗就有兩餸飯 仲要買野飲抵到爛試左個雲耳蒸雞同馬蹄肉餅個雞蒸得幾嫩滑仲有金針花 食落冇咩骨唔錯肉餅都幾足料 食到粒粒馬蹄不過淡味啲就好咁嘅價錢性價比極高

呢日放假，又係熱到冇朋友既一日🔥🔥想試下呢間新開既兩餸飯，聽講係齊柏林熱狗開既👍🏻👍🏻.我同男友大概晏晝1點左右到，就已經見到排緊隊🥶都岩既lunch時間嚟架嘛😂😂我一見到條隊就行過去排，點知去到差唔多到我哋既時候，男友發現原來係要去俾左錢拎飛先，再去排隊攞飯盒。而我發現都幾多人同我哋一樣誤會左😅不過d staff都好好人，即時收錢唔洗再排過。我哋大概等左10分鐘都冇，就拎到lu 👏🏻👏🏻佢哋手腳好快👍🏻👍🏻.我哋買咗3盒，大家都有生炒骨😂😂生炒骨應該係招牌菜，不過真係算唔錯，幾好食😋而大家都對佢哋既餸表示幾好食，而且36蚊兩餸飯仲有包檸檬茶，對於依家香港物價其實已經算幾抵食。.後來我哋有再去買一次，不過係夜晚大概7點左右，又係食飯時間所以排勁長既隊🥶不過我都係等左15分鐘就拎到lu👍🏻👍🏻之後我哋係買左3盒淨餸，一盒40蚊，如果屋企唔想煮飯，買幾個餸，然後屋企煮個飯炒個菜，成件事都幾抵食😍可能仲平過自己買餸番屋企煮😂😂