無問題 (已結業)

西貢真係好靚，西貢碼頭望出去已經係世界級靚景，納米樓面積嘅小石島上有松樹，足球場大小嘅無人小島綠樹成蔭，大大小小丶遠遠近近嘅島嶼不規則咁呈現你眼前，天空上有麻鷹丶紙鳶、無人駕駛飛機，海面上遊艇丶獨木舟丶風帆應有盡有，加上藍天白雲，喺呢間餐廳一邊飲酒一邊近距離望住呢個世界級美景，一樂也，收費是世界級?不是，相反，收費相當平民價，一杯啤酒只係幾十蚊，加送埋侍應親切嘅笑容，超值，食物水準也不錯，炸芝士用料實在，使用Cammebert芝士，入口香味四溢，一啖酒一啖炸芝士，香味在口中，眼睛又望住靚靚大自然美景，真感恩呢！仲有fish and chips, 大大塊炸魚，香脆可口，加埋一盆小食併盆，有芝士，Parma hams，橄欖油浸蕃茄丶橄欖，實在冇得輸。