吉列牛忌廉烏冬專門店 (百樂中心) (已結業)

今日黎到銅鑼灣買野行街shopping,跟住比我發現呢間餐廳，員工熱情既招待就坐低左，今日特別肚餓。首先叫左個咖喱忌廉烏冬，面頭個層係忌廉cream非常滑溜，下面個層係咖哩汁烏冬，配合咪一齊食真係另有一番風味，而且烏冬非常彈牙。之後再叫多個吉列牛定食，呢道既食法非常有特色，表面貼滿一層蒜頭非常香脆可口，上台時只有2成熟，自己可以自行加熱，想食幾成熟都得，自行調教，牛肉非常滑，肥瘦適中，一定要試試。另外叫多個牛舌雞肉串，點咪啲醬汁食非常野味，非常滿足。跟住叫多兩杯野飲，一杯係citrus ocean, 賣相同個名一樣，藍藍既大海顏色睇見都好想快啲飲，下面有啲甜甘吉，酸甜酸甜非常解渴。最後叫多杯passion punch,呢杯口感一流，低部有好多果肉非常豐富，呢杯比較甜小小，最岩女士們。