人間世茶會館 (已結業)

是日frd子生日飯揀左黎呢到食去之前上網睇完相就好期待我地勁早到 一上到去有驚喜左一下估唔到香港仲會有餐廳 有咁大個空間同埋咁俾心機設計室內成個環境好舒服而食物方面呢賣相都好吸引😋我最期待嘅係菠菜蟹肉意粉同鰻魚飯🤤果然無令我失望熱辣辣又厚嘅鰻魚真係好正🤤厚玉子配鰻魚汁好好食唔憎食菠菜架話菠菜奶油真係好夾我超愛食野菌黑松露意粉我靜係試左味 因為我係咁食其他兩碟😂佢黑松露味好重😋上面係一堆我唔認識嘅菜哈哈最後係甜品甜道岩岩好配埋邊邊嘅朱古力石頭食口感更加豐富 總結黎講整體都好舒服食物都好高質見到成間店得一個人整野食傳菜落單心急人就唔好黎啦😂中意慢活同朋友慢慢傾計食好野架話係一個好好嘅選擇😋👍🏻👍🏻