影片
更多
2010-11-27
28 浏览
終於等到星期五，辛苦完成個禮拜，睇怕大家都係時候relax下。但喺香港咁多人，星期六、日出親街下下都同人逼，鬼咩？真係咩mood都無晒，所以Papaccino認為，一於。。。衝出香港。。。島，走去隔離既南丫島啦，因為呢個咁悠閒既度假天堂絕對岩晒你。喺果度除左可以行下沙灘、影下靚相之外，咁多位Coffemates又知唔知，其實玩到累果陣，仲可以去一間超正既咖啡店歎下世界？今次有咩好介紹？咪就喺「Bookworm Cafe」(南島書蟲) 囉！ 細細聲話比大家知架咋，Papaccino我其實係一個好有文化氣息既靚仔，所以最鍾意就係放假嘅時候與書為伴。而除左之前介紹果間 kubrick cafe之外，我另一心頭好就係呢度啦！一入到呢間咖啡店，你簡直會覺得自己去左外國咁，因為呢度係一間帶有歐陸風情嘅咖啡店，悠閒得黎有種高雅既別緻，樸素得黎又好有藝術氣息。唉，文筆有限，比大家睇下內部環境同擺設，咁就一目了然啦！去相～～：話明「書蟲」，唔少得既元素就梗喺書啦！呢度d書同上kubrick唔同，呢次全部都可免費任睇！中、英文書同雜誌應有盡有！再配合埋咁優雅既檯凳，簡直就係間主題公共圖書館！佢嘅擺設都好特
喺果度除左可以行下沙灘、影下靚相之外，咁多位Coffemates又知唔知，其實玩到累果陣，仲可以去一間超正既咖啡店歎下世界？今次有咩好介紹？咪就喺「Bookworm Cafe」(南島書蟲) 囉！
細細聲話比大家知架咋，Papaccino我其實係一個好有文化氣息既靚仔，所以最鍾意就係放假嘅時候與書為伴。而除左之前介紹果間 kubrick cafe之外，我另一心頭好就係呢度啦！
一入到呢間咖啡店，你簡直會覺得自己去左外國咁，因為呢度係一間帶有歐陸風情嘅咖啡店，悠閒得黎有種高雅既別緻，樸素得黎又好有藝術氣息。唉，文筆有限，比大家睇下內部環境同擺設，咁就一目了然啦！
去相～～：
話明「書蟲」，唔少得既元素就梗喺書啦！
呢度d書同上kubrick唔同，呢次全部都可免費任睇！中、英文書同雜誌應有盡有！
再配合埋咁優雅既檯凳，簡直就係間主題公共圖書館！
佢嘅擺設都好特別架，只要留心啲睇，包你會發掘到無限驚喜！
咁當然啦，Papaccino 我對咖啡都好有要求嘅，如果咖啡過唔到我果關，又點會留得住我呢。而我最鍾意飲嘅都莫過於佢杯 Latte啦！但其實除左咖啡，佢啲Cake都唔差架！
呢間咖啡店除左書之外，另一賣點就係有機、健康。就好似我叫呢個Mango Cheesecake咁，真係用咗新鮮芒果做外層，食落去啖啖果香，無得彈啊！仲有隔離果杯用左一大堆生果mix成的新鮮有機果汁，同樣健康有益！
如果大家好肚餓，可以試埋佢個Veggie Chicken Nugget，脆卜卜既雞肉，配埋泰式辣醬，一樣係唔錯既選擇。
總之Papaccino 敢講，你入得黎坐，無返一兩個鐘都唔捨得出返去，咁稀有既世外桃源，身為香港人嘅你地，點可以唔試先？
最後，如果大家對飲飲食食有興趣，可以黎我個Blog 睇下架。
http://hk.myblog.yahoo.com/call-freebreak
张贴
