影片
更多
2022-07-19
104 浏览
店舖地理位置唔算方便，出地鐵站後需步行一段時間(約8分鐘)。到達後見到店門口有一批人等緊外賣，堂食等位反而唔多，所以我同另一半好快就可以入座。餐廳裝潢以香港80年代風格為主題，滿滿懷舊感，燈火通明又帶俾客人店鋪整潔嘅感覺。一坐低望望個餐牌，原來款式都幾多，粉麵飯樣樣齊，就連番茄湯都有得揀要唔要麻辣。🍅招牌「麻辣番茄湯米線 配牛乳炒蛋 加一餸」$43/$55酸酸麻麻嘅感覺非常醒胃，番茄味濃，每一啖湯都會見到有番茄蓉，加埋牛乳炒蛋一齊放入口十分匹配。米線偏彈牙，如果覺得口感唔岩仲有通粉、米粉、公仔麵可以揀(唔推薦上海麵)。個餐仲可以揀一個餸，我叫左隻招牌瑞士雞脾($55)，但略嫌肉質唔夠嫩滑。另外亦+$8追加叉燒，反而叉燒俾左好大驚喜我，首先份量超多，食到碗底都仲見到有叉燒，而且每一舊size唔細，肥瘦適中唔會攝牙罅，建議大家下次一餸可以只叫叉燒($43)。🍛金牌「咖哩豬扒飯」$58咖哩係港式風味唔算太辣，相對較為普通，但勝在份量多豬扒大件，薯仔都有三大舊，夠哂飽肚，不過不失。試過一次之後覺得番茄湯真係可以再encore，所以帶左幾個朋友去，佢哋有叫蔬菜餃、牛丸、鮮牛肉，但都係我叫嘅叉燒最
餐廳裝潢以香港80年代風格為主題，滿滿懷舊感，燈火通明又帶俾客人店鋪整潔嘅感覺。一坐低望望個餐牌，原來款式都幾多，粉麵飯樣樣齊，就連番茄湯都有得揀要唔要麻辣。
🍅招牌「麻辣番茄湯米線 配牛乳炒蛋 加一餸」$43/$55
酸酸麻麻嘅感覺非常醒胃，番茄味濃，每一啖湯都會見到有番茄蓉，加埋牛乳炒蛋一齊放入口十分匹配。米線偏彈牙，如果覺得口感唔岩仲有通粉、米粉、公仔麵可以揀(唔推薦上海麵)。
個餐仲可以揀一個餸，我叫左隻招牌瑞士雞脾($55)，但略嫌肉質唔夠嫩滑。另外亦+$8追加叉燒，反而叉燒俾左好大驚喜我，首先份量超多，食到碗底都仲見到有叉燒，而且每一舊size唔細，肥瘦適中唔會攝牙罅，建議大家下次一餸可以只叫叉燒($43)。
🍛金牌「咖哩豬扒飯」$58
咖哩係港式風味唔算太辣，相對較為普通，但勝在份量多豬扒大件，薯仔都有三大舊，夠哂飽肚，不過不失。
試過一次之後覺得番茄湯真係可以再encore，所以帶左幾個朋友去，佢哋有叫蔬菜餃、牛丸、鮮牛肉，但都係我叫嘅叉燒最好食，嘻嘻。
P.s. 早前疫情嚴重取消晚市堂食，我同另一半經foodpanda叫番茄18外賣自取，價錢再平啲，份量依舊。
张贴