今次我哋揀咗佢哋嘅四人餐，內容真係好豐富，由頭盤到甜品都包晒！首先嚟咗個法式龍蝦海鮮濃湯🦞，個湯底好濃郁，龍蝦味好香，啖啖都係精華，小朋友都好鍾意飲。
跟住係煙三文魚凱撒沙律🥗，煙三文魚份量都幾多，配埋新鮮沙律菜同埋香脆嘅麵包粒，食落好開胃。
香濃芝士焗西蘭花🥦就係小朋友嘅至愛，西蘭花焗到軟身，配埋香濃芝士，仔女食到lam lam脷，我哋做家長嘅都食得放心。
主菜嚟啦！香煎澳洲M5和牛肉眼扒配薯菜🥩，呢個真係不得不讚！M5和牛扒煎到啱啱好，肉質好嫩滑，肉汁又多，牛味濃郁，配埋薯條同沙律菜，真係大滿足。大人食得開心，小朋友都可以分到少少食。
仲有招牌德國烤豬手🐷！呢個豬手真係做得好出色，外皮烤到勁脆，咬落去卡滋卡滋聲，入面嘅肉又軟又入味，唔會太韌，連牙力唔係咁好嘅長者都食得，配埋酸菜同芥末醬，真係食多兩舊都唔覺膩。呢個份量都幾大，好啱一家人開心share。
食完主菜，梗係要留肚食甜品啦！佢哋個開心果奶蓋巴斯克芝士蛋糕🍰，係個好正嘅Ending！芝士蛋糕口感香滑，開心果味好濃，配埋上面嘅奶蓋，甜而不膩。最加分嘅係，佢哋仲有畫碟公仔服務㗎！今次我哋要求畫咗Pixar嘅Luxo Jr.同埋個波波，真係畫得好精緻😍 仲有新生日配套！ 🥳 慶祝生日除咗有得畫碟，佢哋仲會播放生日歌，同埋有新款即影即有相會附上可寫心意嘅相架，真係可以影低開心一刻做紀念！📸 呢個細節位，真係令成餐飯加晒分，小朋友食得開心，我哋大人都食得更開心。
交通方面，呢間餐廳位置都幾方便，西鐵站行過黎唔使好遠，帶小朋友去都唔會話行到腳仔軟。Homeland 真係做得好有水準，味道好，份量足，環境又靚，仲有咁多著數，性價比咁高，真係非常適合一家大細或者三五知己嚟聚餐！下次大家想食西餐，又喺荃灣附近，不妨試吓呢間啦！
