吉士咖啡店 (已結業)

我地見到隔籬枱啲牛角包都好靚，就一於試吓！叫咗兩個，一個係牛油果醬煙三文魚牛角包🥐牛角包焗得好脆好鬆化，餡料既牛油果醬係勁多，鹹鹹地，好香，再加埋幾塊好厚嘅煙三文魚，勁正呀！另一個就係牛油果蛋沙律牛角包🥐依個嘅牛油果同蛋沙律係混合埋一齊，好綿滑，好Creamy，蛋沙律好香好有鹹香味，再加埋啲沙律菜，都幾fresh！飲品一個就叫佐抹茶鮮奶🍵真係用日本嘅抹茶去整出嚟，好香嘅綠茶味，但係又唔會覺得苦，再加埋北海道嘅鮮奶，配合得啱啱好，好幼滑，好好飲！另一杯係凍既巨峰提子🍇呢個其實係巨峰提子嘅梳打，梳打水係用泰國嗰隻，所以特別好飲，加埋巨峰提子嘅果汁，唔會太甜，啱啱好，好正！