大瀛喜日本料理 (已結業)

大瀛喜日本料理旺角九龍旺角彌敦道655號5樓又係食放題既時候啦，自己一向都係大瀛喜嘅忠實fans, 今晚就同左屋企人黎旺角分店，book左8點半，但估唔到都咁多人，我地大約8:20分黎到，一出lift等入座既人已經塞滿晒個大堂，不過職員都好快手安排左我地入座一入低第一Round當然係不停咁喪叫啦，我地點左好大盤刺身，最鐘意呢到既三文魚全部都係厚切大大塊咁，一啲都唔吝嗇食落超有口感，另外我地仲點左吞拿魚，帶子，北寄貝，赤貝，螺片，八爪魚，虎蝦，甜蝦等等，全部都好鬼新鮮，唔會一陣雪味，淨係黎食刺身都值回票價啦壽司方面都唔可以錯過，自己最鐘意就係火炙系列嘅壽司，我最like就係火炙蟹棒同帶子壽司，另外有d創意壽司都幾吸引，都建議大家值得一試而屋企人就點熟食比較多，試左好多款都保持到水準好正呀，最推薦係羊架，牛舌串， 蒲燒鰻魚，蒜蓉蒸帶子，炸蠔，各式既天婦羅，仲有我每次都必食既榴槤炸彈，真係好正