一寿司 (已結業)

今日同朋友黎試下呢間新野，上到去地方真係好闊落，叫左好多野食，其中火灸玉子、海膽同蟹膏好食，叫做響中上級數壽司店水準啦，但服務質素就真係唔多好，叫左一個炸蝦天婦羅竹筍壽司好耐都無黎，叫左三個職員跟下單都無黎到，最後要埋單同cancelled張單先黎，埋單仲死，無端端個list多左個item「32碟黃色」，激到我啤一聲，計過足足收多左我成3百幾蚊，我本人就真係接受唔到呢D錯誤，好彩今次真係睇睇個list，如果無睇到個list比錢就真係後悔喇，3百幾蚊都可以食多餐\喇，我唔會再去呢間。如果以呢間質素，我寧願去和花亭or北海道活壽司，服務好好多，野又一樣好食。走果時見到10點有半價，好多人排隊，大家都可以去試下個特價「黑夜壽司」既，平時去，算吧啦.....