私家菜 (已結業)

自從黎左土瓜灣做野都有一排，得閒周圍行下見到有間野新開就去試下。呢間餐廳係車房之中，只係開夜晚，我同兩個friend叫左4樣野食，一個係翅，一碟虎蝦，一個黃金骨同埋蟶子。其中得蟶子係菜單先有，其餘都係老闆推介，menu係冇的。首先係等菜期間俾左碟豬耳，可能我唔係太食得辣，覺得偏辣。之後過左唔駛5分鐘，煲翅就黎到，佢附左左碟芽菜。一試之下，喜出望外！好味！翅左翅味，汁有汁味，令我更期待之後的食物。第二個黎ge係蟶子，有水準，但同出面海鮮館食的差不多，所以冇影到相。之後陸續黎左黃金骨同埋虎蝦，個骨d汁佢整好好味，有鹹蛋碎+有少少流沙奶黃包的味道，但d肉太大粒，不太入味，希望改善。最後個虎蝦我覺得特別之餘又惹味，估唔到一個細細地小菜館有d咁ge質素！價錢方面佢唔貴，無個菜式都係50-80蚊左右，可以接受。我下次應該都會再去，試埋其他菜。