影片
更多
2017-11-28
550 浏览
成日想食一些特色配料的火鍋，對我呢D住係北區嘅朋友，下下都要出到去旺角尖沙咀港島區，真係有點遠！終於俾我搵到粉嶺又好食又有些特色配料嘅火鍋店！想試下我精心挑選嘅3大亮點，烤魚、手打丸及手工金沙魚皮。地點喺聯和壚，一到晚市就慢慢開始熱鬧起來, 見到食評試黎搵下去食！北區朋友而言，地點方便！揸車又有錶位，搭車嘅有巴士總站，又有VAN仔由粉嶺港鐵站到！我真心怕左坐底一陣又趕你走又限時限點嘅餐廳，火鍋配料來來去去又係嗰啲街市買到嘅雜丸同好厚肥膏嘅肥牛，咁不如自己買，我而家食飯要求有質素嘅，唔好浪費QUOTA！要坐得同傾到計嘅。上網睇呢間火鍋館有些特色火鍋料， 菜牌更新好想試下佢講嘅驚喜手工金沙魚皮同手打麻辣安格斯牛丸，席間朋友都鍾意食烤魚，見佢烤魚都好似幾靚，天氣涼涼地就黎試下！ 打電話訂位問下佢食烤魚有咩魚，我地想試下桂花魚所以一早訂定！餐廳有2層，問過無限時，啱哂。坐底見佢有生啤又有枝裝啤酒，整枝最鍾情嘅ASHAHI飲住等，先黎我地之前第1亮點：預訂嘅龍爺烤魚鍋 － 桂花魚，無揀錯桂花魚，因為魚質鮮味又甜，無咩骨，勁滑肉質又嫩，混合湯底嘅炒製湯底，花椒陣陣清香辣味，香味勾魂，基本上可以唔洗
我真心怕左坐底一陣又趕你走又限時限點嘅餐廳，火鍋配料來來去去又係嗰啲街市買到嘅雜丸同好厚肥膏嘅肥牛，咁不如自己買，我而家食飯要求有質素嘅，唔好浪費QUOTA！要坐得同傾到計嘅。
上網睇呢間火鍋館有些特色火鍋料， 菜牌更新好想試下佢講嘅驚喜手工金沙魚皮同手打麻辣安格斯牛丸，席間朋友都鍾意食烤魚，見佢烤魚都好似幾靚，天氣涼涼地就黎試下！ 打電話訂位問下佢食烤魚有咩魚，我地想試下桂花魚所以一早訂定！餐廳有2層，問過無限時，啱哂。
坐底見佢有生啤又有枝裝啤酒，整枝最鍾情嘅ASHAHI飲住等，先黎我地之前第1亮點：預訂嘅龍爺烤魚鍋 － 桂花魚，無揀錯桂花魚，因為魚質鮮味又甜，無咩骨，勁滑肉質又嫩，混合湯底嘅炒製湯底，花椒陣陣清香辣味，香味勾魂，基本上可以唔洗沾醬食已經好夠味。
再黎實試第2亮點： 邪惡金沙魚皮，第1次食呢種咸蛋魚皮，高膽固醇都唔理住！近日人氣急升嘅鹹蛋黃魚皮，每片魚片都覆蓋哂鹹蛋黃汁！食幾塊就好喇，後面仲有好多野食。
嚟埋第3亮點： 秘制辣味食材－手工麻辣安格斯牛丸都幾好，唔係每一間火鍋店都有，加入花椒辣椒等配料，味道帶點微辣，唔會搶左牛肉鮮味，我覺得反而下次落喺清湯度會更突顯佢嘅香辣味。
意猶未盡再叫一碟美國安格斯肥牛同埋靚牛爽肉（即牛脷），滿佈雪花紋理，入口牛肉味溢出，牛脷薄切只要放落湯底微微彎起，拖一拖就食得，入口鮮嫩。忍唔住想盡享辣汁，叫一份鯪魚釀豆卜、手打墨魚丸、餃子同埋菜食埋湯底辣汁就好滿足了！
我會再黎呢間餐廳下次再試佢其他手工料，我見佢有好多唔同類型嘅手打滑，好似墨汁墨魚丸，黑松露手打滑同即炸響鈴，同埋試下佢其他麻辣鍋，今個秋冬天再約其他人一齊踩場。
张贴