Up2u (已結業)

紅磡多街頭美食小店就大家都知㗎啦，但係自從開咗地鐵站之後，除咗地道美食之外，都開咗好多西式小店。今日俾我發現到一間高質西餐嘅街頭小食，主要都係買健康飲食，有三文治又有奶昔，買來做早餐或者brunch真係超級適合！店面好簡單，但係夠光猛，夠光線，所以感覺都同周圍嘅舖頭有啲與眾不同，幾搶眼。店員亦都好有禮貌，值得支持！今日我叫咗港式xo蛋黃醬蝦餅三文治 同雜莓果昔，我想講個份量真係超級大，而且超酥脆，口感都好q彈。食咗一啖先見到佢有雞胸買10件送一件嘅優惠，都有啲心郁郁，最近勤力做運動嘅朋友應該好啱食！另外杯奶昔都幾creamy，唔會話得個死甜，好飲好飲！