新高麗苑韓國餐廳 (已搬遷) 新店位置

今日成班朋友話想去食韓燒,但又唔想太貴,咁咪揀可以任燒,咁班朋友就話有介紹,就跟佢地去。其實裝修絕對唔差,聽講仲有房坐,不過我地就無咁好彩有房喇。價錢都十分公道,絕對岩哂一班餓鬼去食,加埋野食種類都幾多,起碼唔會食到悶先。韓國冷盤有好多款，我覺得個泡菜都幾有水準,而且睇落都好開胃,粉絲都係推介之一,而且仲有刺身同壽司,諗住佢任食,質素都唔會話太高,但個三文魚刺身真係喜出望外,佢好新鮮,而且唔會話任食所以太薄。主要燒既野大約都係一堆肉類,好就好在賣相都十分整齊,唔會睇落令你唔想食,整體黎講都唔錯,最後就係價錢同食物質素係絕對令你滿意,不過睇食評就話服務好差,我自己就覺得唔錯喇,因為成班人都唔洗話咩服務既,最緊要自己食得開心。