茶星人 (祥華市場) (已結業)

今天天氣好熱，粉嶺祥華邨啱啱開左間茶星人E Tea便去試一試，買左2杯飲品都好好飲。水果大爆炸佢哋係用四季春茶做茶底，仲要勁多生果，有橙，紅色火龍果，青檬，菠蘿，同埋加百香果籽，真係好好飲。手工芋泥烏龍鮮奶呢杯係每日限定嘅芋泥鮮奶，超多芋泥，店員話芋泥係自家制，所以賣完就冇。所以非常好飲。茶星人係真材實料而且無添加。大家不妨試下！以前一直都唔覺得芋泥特別，但試完今次之後真係刮目相看。茶星人員工都非常好，收銀哥哥介紹店鋪飲品好有禮貎，值得一讚。