木玥巷 (已結業)

今日星期日（8月14日）特登入嚟encore, 之前食過兩次，水準保持到大約一點鐘嚟到，攞飛預左要等，人亦多，所以都無辦法，慢慢等。但係佢哋門口嗰侍應就唔理你等幾耐，總之招呼D4人枱先，我等左45分鐘先有位，但係4人枱一有就俾4人先，那怕佢啱啱先攞飛。同佢講可唔可以拆4人檯俾2個2人先，淨係識得用一把自以為「理直氣壯」嘅語氣話咁4人枱咪無位，我話根本等緊的‘量’拫本唔同，但係都係唔理！講番食物，分別叫左牛肉麵，基本上係老婆點解嚟食嘅原因，湯、肉同麵都好好，基本上係湯都飲晒，而牛肉都好淋我叫左炒米粉，第二次食，炒得好乾，味道保持水準，相隔兩個月再食，唔會話比上一次差，難得一間餐廳可以保持水準雖然食物水準好，但係D咁嘅安排同態度，絕對係令我要諗諗有冇下次！