喜來稀肉 (登龍街)

呢排天氣熱好耐冇打過邊爐同埋食韓燒
朋友提議今晚食韓式燒肉 差唔多七點行過嚟登龍街見到喜來稀肉竟然仲有位
諗都唔使諗即刻入去攞位
一坐低枱面已經放好前菜
我哋兩個人叫咗兩份肉 一定要嗌嘅係最出名嘅牛護心肉 每隻牛剩係得一小塊護心肉 好珍貴嫁～

另外叫咗真雪花牛肉～

好快牛肉就上枱啦 雪花牛肉啲油脂好平均 煎香兩邊後點少少鹽去吊一吊個味 入口好軟滑 好香口

護心肉係我嘅最愛 牛肉比較有咬口 肉味比雪花牛肉更濃 推薦推薦

最後叫多個石鍋拌飯就啱啱好

友人好鍾意食嗰個芝士煎蛋～refill 左3 次