漢和韓國料理

营业中

休息中

其實漢和我一直都有keep住食不過難得終於開咗個ac就寫下佢嘅食評之前一路都係銀城個邊食 但係無咗之後就改咗係胡社行食我覺得漢和d食物種類都算比較多 另外坐位都相當闊落 我大部份時間都係二個人去食晚市嘅早段 所以可能人唔係好多 就可以係因為咁坐到我諗係4人個d枱另外可以我太鍾意食韓燒 所以我覺得漢和大部份野食都幾好 特別係牛仔骨 牛肉同龍利柳 真係我之愛 不過佢地嘅金菇肥牛真係唔係幾掂 完全無味 同埋一燒就散另外有d熟食我食咗咁多次都無咩點食過 因為其實都比較普通 不過有個好似係人參雞湯都唔錯 我就無不離食 但係同行嘅朋友大推！我都試咗一啖有少少咁多嘅人參嘅甘味 因為我比較怕太勁嘅甘味同苦味 所以依個我就接受都 都ok嘅甜品好正！佢地嘅雪糕好似個個都話正 突別係朱古力 真係無得頂 另外豆腐花都一定要食！當你食到好飽嘅時候食豆腐花個肚真係好舒服另外就講下佢地嘅服務 老實講除咗幫我地換爐就無咩服務 勁多吉碟都無人收 d姐姐超得閒都淨係係到吹水 行過d吉碟都唔收 都唔知係真係睇唔到定點 有幾次我自己都頂唔順索性自己拎d吉碟擺落下欄車到 好彩嘅係叫佢換爐佢地都唔會俾面色我地睇 二個幾鐘換咗二次