台灣麵

营业中

休息中

今日同朋友聚會，行行下見到呢間野就入去試試，d坐位幾好坐，價錢唔太貴，56蚊一個餐加4蚊有杯台式飲品，如果港式飲品唔洗加錢，我叫左個豬腳新竹米粉，同一杯薑母奶茶。先講個豬腳米粉，米粉嘅湯底偏咸少少，但都可以接受，豬腳滷得入味，亦都好淋，一碟有4件豬腳，以呢個價錢黎講算抵杯薑母奶茶偏甜薑味唔夠濃但都算大杯。另外我地以套餐優惠價叫左個麻油牛肚，好好味，唔會話十分油，味道剛好唔會太咸，份量都唔算少，加二十幾蚊有呢個份量我覺得不錯。服務算不錯👍野食亦都好快送上。可能我入座時已係晚上9點所以都冇話好趕咁催我地快d走。