創意廚房 (已結業)

放工行到依間餐廳，因為疫情關係而有1.5米依個情況出現，附近出名既鋪頭都好多人排隊，感覺仲要等好耐添，咁所以我就再行入到d見到依間冇乜人既餐廳入去試下，肚餓叫左個皇牌什排，肚餓叫依個通常都冇死，因為通常依d份量都好多，咁就試下好唔好食。皇牌什排 - $98 (可配飯，意粉，薯角)，入面有雞排，豬排，雞肉腸同煙肉。醬汁就冇得揀，只有黑椒汁。我覺得雞排比較"鞋身"少少，如果唔係肚餓其實塊雞排都真係唔係咁好食，豬排就唔錯，比較好入口，撈埋黑椒汁更好，雞肉腸都一般般，咬落去冇乜汁，比較乾身，至於煙肉味道都濃，一般水準。如果係肚餓而唔係好介意食物質素，我覺得可以去下，都係普通茶餐廳水準，但價錢比較貴左少少。