米走雞Deluxe (已搬遷) 新店位置

之前聽朋友講米走雞啲芝士雞好正火鍋配料又出色，一直都好想試下，今日行開銅鑼灣醒起就上去睇下有冇位食。一黎坐底就揀左鍋先，有兩種，一種芝士一種麻辣，咁梗係試左芝士先啦，叫左少量芝士，跟手剔埋火鍋料，叫左肥牛、芝心丸、金菇、冰豆腐同烏冬。好彩冇叫太多野，因為個雞煲原來都幾有份量，雞件全部都大大件，唔似出面啲雞煲細細粒雞碎，肉質滑嫩，芝士好香，勁易拉絲，估唔到夾埋啲雞食又幾好幾夾。食完啲雞就加左清湯打邊爐，肥牛大大塊切得薄身，肉脂分明，好有牛味，下次黎要試埋佢啲牛頸脊，應該更正。其他配料都唔錯，金菇都清潔得好好，烏冬仲係急凍果種，唔係一般平價貨，帶湯一流，淡淡都有芝士香。值得讚嘅係服務好好，服務員會好細心咁教點食點煲，好有禮貌。