綠茵閣 (已結業)

星期日，囡囡即將生日突然說想食自助餐，匆忙中選了綠茵閣，5大1小(老人家都有優惠)，用埋優惠券75折，$1800幾，都okay啦。食物同環境俾預期好好多，座位之間算寬濶，取食物容易，客人數量適中，幾斯文，有啲似打完Rugby Seven嘅外國人，總之唔似有的自助餐嘈之巴閉咁噓冚。有位中年戴眼鏡waiter十分有禮，切西冷的哥哥都好nice，值得一讚。食物種類算多，送半隻Boston lobster, 我最鍾意煙三文魚,Parma Ham, 燒羊扒，唔「蘇」，囡囡鍾意鮮果+朱古力噴泉同即煮意粉，自己揀pasta、料同醬汁。壽司魚生一般，海鮮長脚蟹唔錯，其他海鮮我覺得同其他自助餐冇乜分品別，都係冇乜味，熱葷燉蛋啱老人家，甜品夾餅樣樣齊，飽得滯食唔到粥同魚蛋粉，雪糕款式得2款，不過任飲果汁汽水啤酒，重有2小時酒店內免費泊車，總之全家人都好滿意。