無肉食 (堡壘街) (已結業)

知道堡壘街有兩間素食店有自助午餐，適逢今天是初一去幫襯。選無肉食是因為價錢，同街另一間初一十五會貴十蚊，改天再試。無肉食是68蚊限時75分鐘，我吃了四轉已經飽飽。食物種類算多，味道不錯，補充快，又會轉款式，基本上每次行去食物枱都有新食物推出。個人喜歡炸物，煎堆細細個卜卜脆，食咗兩個，椒鹽豆付炸得乾身脆口。環境方面，枱椅擺位較逼，通道好窄，一條長枱坐得較入嘅客人，出去取食物好唔方便，坐外邊嘅客人要多次起身，食都食得唔舒服。仲有可能今日初一客人較多，要搵一次非初一十五去幫襯，或者個用餐感覺會更舒適。