走肉‧朋友 (已結業)

某星期日晚同長輩打麻雀，因為長輩食齋，加上大角咀小店有啲星期日都唔會開，所以最後我哋決定係走肉朋友買三餸飯。餸嘅選擇非常之多，連Pizza都可以揀，長輩因為非常之鍾意食pizza，所以其中一個餸我哋都揀咗Pizza。我自己鍾意食酸辣嘅嘢，所以好鍾意食口水雞同埋手拍青瓜。跟餐仲可以揀湯，湯清清地仲有啲湯渣，有粟米同埋蘿蔔，有碗湯飲下個人會舒服啲。總括而言係一個食齋嘅好去處，連我呢啲唔係食開齋嘅人都會想耐唔耐幫襯下。