泰燒遙 (已結業)

星期六就約左朋友去泰燒遙食飯，地理位置好好，如果食完飯仲想繼續傾計，樓下就係諾士佛臺，可以去飲杯野繼續傾 😊預先係open rice book左位，上到去都未坐滿，位置係香港黎講算寬敞，d櫈算好坐。Confirm booking個陣個員工話限時1.5小時，但個日夠1.5小時個陣都無趕我地走，可能因為無人等緊位。講番食物，點左：泰式鳳爪沙律、小食拼盤(多款式少份量，同幾個朋友share啱啱好)、青咖哩(好食)、咖哩牛腩(汁好食，但牛腩略乾)、海南雞(好嫩口好食) 、同金邊粉。可惜食得太飽無叫到甜品，我見隔離枱點左芒果糯米，好似幾好食。