和氣食堂 (河畔花園)

营业中

休息中

今晚想食日本菜，之前食過黃大仙果間和氣食堂覺得唔錯，今次揀番朋友家附近的沙田和氣食堂！ 都係食到好飽好滿足咁離開 哈哈我地叫左三文魚鮮果蟹籽沙律做前菜，三文魚切到細細條，但幾新鮮。蟹籽有好多😍 令到沙律嘅口感好豐富！！仲有芒果、火龍果、奇異果同埋好多生菜。叫左幾款燒物，最鐘意嘅係三文魚鰭！！鹽燒三文魚鰭三文魚鰭有好多魚脂，所以食落勁香，只係加少少鹽已經帶出佢嘅香味，入口即融嘅感覺真係好幸福 哈哈燒牛舌牛味重，唔韌, D醬汁幾好味！黑豚肉肩燒丼呢個黑豚肉片真係無得頂！因為燒過嘅關係，好香燒烤味，加埋d燒烤汁撈飯，正呀！三色刺身丼，刺身有三文魚、油甘魚同埋鰻魚，每樣3塊，仲有甜蛋同蟹籽。三文魚同油甘魚厚切，肥美。鰻魚味道都唔錯。飲品叫左草莓番石榴熱情果梳打，草莓味較突出，有一點點熱情果嘅酸甜味。好大杯，兩個小女生飲都夠。