落完order之後，先嚟咗個前菜，有個日式前菜，同埋日式蒸蛋。日式前菜，係啲菇、洋蔥同埋金菇，酸酸甜甜都幾開胃，另外個蒸蛋就比較淡，如果可以濃味少少就更加好！跟住就睇住師傅一路喺度燒和牛，因為我坐吧枱嘅關係，全場可以睇住師傅點樣烹飪，睇住佢點樣燒，之後一步步點樣做，跟住一刀刀咁切，都幾享受！尤其是見到佢燒銀鱈魚，睇到佢好用心喺度燒烤，搞到我下次都想叫銀鱈魚！
最後和牛終於送上，配埋飯同湯！和牛係五成熟，燒到啱啱好！仲有些少粉紅色！外邊有脆，裏面軟！配埋白飯真係一流！之後仲有件小蛋糕作為甜品，大家經過黃埔都可以過嚟試吓！性價比都真係幾高！
1
1
