漁屋日本料理 (已結業)

一大班人去了尖沙咀漁屋食晚飯，6位送1位，$240位，汽水啤酒清酒任飲，荃灣分店一早試過，尖沙咀啲間特別之處在於無啦啦全場有抽獎，抽到就有蟹食。好搞笑!食物選擇好多，有好多放題都沒有的雞泡魚干，我最愛。炸物乾物脆口，燒物亦出色，燒牛舌腍身有牛味，鹽燒串燒雞軟骨超好味，又脆又香口，食完一串又一串。魚生厚切生鮮，其它食物都幾好，很不錯的放題。