M3 Italian (已結業)

真係好耐未嚟到大圍度食飯，咁啱朋友住喺大圍，我就約佢一齊去食飯， 咁呢一間m3意大利餐廳係朋友介紹，一入到去個場都幾大幾通風，畀人幾舒服嘅感覺，而且啲decoration亦都好有格調。 anyway咁我哋叫咗以下：黑松露帶子意粉: 呢個意粉我覺得幾好食，因為佢整得比較creamy， 幾啱我口味係我鍾意食嘅味道 ， 另外佢個帶子係個主角之一 ，雖然係得一粒，但我覺得都幾大粒，而且帶子亦都好鮮甜， 不過如果佢畀多兩粒嘅話，我覺得會比較好，因為我好貪心。 Pama ham pizza: :呢個pizza我好鍾意，因為佢夠脆，同埋芝士味濃，同埋pama ham佢都放咗好多，同埋最緊要佢冇乜油， 對於唔鍾意食肥膩嘢嘅人呢個pizza真係叫得過。最後如果大家行過附近&鍾意食意大利餐，大家可以試下呢間餐廳， 因為自己都覺得啲嘢食質素唔差。 值得一試。 佢好似依家都有個promotion， 係美國波士頓藍青口， 但我去嗰時買曬，希望下次可以試下。