金公館 (康怡廣場北座)

营业中

休息中

今次係我第二次嚟到金公館，第一次嚟到就係食火鍋，今次嚟到就想試吓佢嘅小菜，見到喺呢度比較出名嘅有片皮鴨，一隻隻掛係個櫥窗上面非常之有光澤，而且肥嘟嘟，已經好想食。所以今次特登帶咗半隻嚟食。佢呢度嘅扁皮鴨我覺得做得非常之好嘅係佢一件件嘅肉上邊已經有埋皮同肉，係連住嘅，唔係分開嘅，所以可以好方便一舊就吃到肉同皮。而且佢嘅醬汁同埋配菜非常之多，除咗最普遍見到嘅叉燒醬之外，仲會有酸梅醬，而配菜除咗青瓜同埋葱之外仲會有蘿蔔絲，十分豐富。之後就叫咗個賽螃蟹，相信大家都知道係用蛋白來做，入邊仲加咗啲帶子粒，食落去蛋白嘅口感都唔錯，而且有埋帶子嘅鮮味更加好味。還有這個小食，話梅蕃石榴，佢將個嘅番石榴切片，然後想喺上面淋上已經打碎左嘅話梅汁，整個味道清爽酸甜，好特別。