美中·鴨子 (已結業)

星期三突然想食填鴨，近近地就去了這間美心集團期下的美中鴨子。大約七點十五分到，居然不用等位，但我們入坐後不久出面開始要等位了～我們二人點了半隻鴨子，紅蜇頭，煎柯仔，小籠包，頭三個都幾好食，值得再食，但個小籠包就差左少少，佢個皮痴住左底果張紙，搞到一夾起就串左，d汁漏哂出黎。因為AE卡而家係美心集團期下的中菜館食晚餐，二人可享半價優惠，埋單時問一問，點知原來唔包呢一間，好彩無叫到d貴而唔飽既野食例如果個成五十幾蚊一個既炸蟹鉗。