Mimila (已結業)

近日無咩心情煮飯，星期五放工同老公係屋企附近搵食！想試呢間好耐，之前經過話想食，但每次都無食到！今次食左手撕雞喇沙同小食拼盤！喇沙湯味道香濃，可以配河粉，油麵，金邊之類，但我地選返油麵！配菜都不錯唯一要改善的是整體唔夠熱！小食拼盤有雞肉串燒、墨魚卷、春卷、雞翼同炸雲吞！雞肉串燒醃料很入味，本身唔點醬都已經好好味！雞翼香脆！雲吞似酒樓的炸雲吞同樣香脆美味！墨魚卷同春卷亦美味，整體不錯，有機會再試其他！