K2 Kitchen (已結業)

今天去觀塘辦點事，朋友話可以試下K2 KITCHEN,不過1至2點lunch time勁爆，所以12點就上到去，剛剛開鋪。有8個 set lunch，價錢有68蚊 至 158蚊都幾大，地方相當乾淨闊落，青瓜豬蹄核桃：青瓜清口，豬蹄爽口，核桃香口，細細個幾開胃。鬆脆香口的餅乾條幾時都這麼好吃。甘筍忌廉湯：味道濃郁，湯帶出的甘筍味香香甜甜，稀薄適中，絲絲的甘筍質感在口中相當明顯。照燒加拿大牛小排：牛小排牛味濃郁，雖然差不多全熟，但肉質嫰口，一點也沒有鞋口。照燒汁相當惹味，卻一點也沒有搶味，配搭的不錯。配菜要了蔬菜，分開上，還是熱的，種類多，嚼口感覺新鮮，難得的還要調過味，有心意。蜜桃梳打：冰凍的梳打滲出清香的蜜桃味，唔太甜，喜歡蜜桃味的我鐘意芝士蛋糕：芒果香味濃，相當偏酸，很消膩清口的感覺，碟子上的蜜糖中和了酸味後，又有點滋潤。