漁灣村 (已結業)

返完學~聽聞依間出名魚湯~當然黎試試~又係三人行黎~一個要左豬頸肉魚湯米線~一個要左照燒雞扒冬陰公湯米線~我就要左煙鴨胸魚湯米線~見到佢有三種湯揀~畀人既感覺係選擇上有好大既彈性~而且下午茶餐可佞任揀佢是但一款既米線~真係very good~佢D麵好快就黎左~首先係冬陰公湯米線~一拎到埋黎已經聞到個味~知道都唔錯~但係都FEEL到係酸多過辣~至於兩個魚湯米線都好快到~但係知個魚湯唔係想像中咁好~不過以茶餐廳水準黎講~好好~~~不過多返D魚湯既香咪就更加好~佢係魚湯入面加入左蔥同花生~本來都幾好~不過D花生係淋既~變相就無咁好食~同埋佢個米線真係岩岩好~質感唔會硬~亦唔會淋~而個照燒雞扒真係唔錯~D雞肉都仲係幾滑~至於個煙鴨胸就唔係咁得~層皮太肥~而且唔夠香~可以做得更好~豬頸肉無試過~就無得畀意見啦~而且下午茶時間人又少~D卡位亦十分舒服不過今次叫左好耐先有人應~原因係個員工同另一個員工掛住傾計~但係同佢講有野飛左入杯飲品度佢就會立即叫人換過杯~亦好有禮貌~下次再黎試佢其他野~