韓閣 (新都城中心二期) (已結業)

一向嚟新都城二期都係探朋友所以路過，今日離開嗰陣已經六點幾，順便喺度食個晚餐。行到門口見到「韓閣」呢個名就好想去韓國，望埋餐牌，價錢okay，就試吓啦。一個人食唔到好多，佢哋啲湯跟一碗飯，應該夠食啦，最後叫咗豆腐海鮮湯。果然係份量十足，最初以為冇乜料，後來發現原來都好多，有兩隻大青口加兩隻大蝦同埋蜆，另外有豆腐、翠玉瓜同椰菜，仲有一隻溫泉蛋，都真係幾豐富。味道好唔錯，唔太鹹又唔太辣。下次約埋啲friend過嚟，可以試多啲嘢。