岩鹽日本料理 (利舞臺廣場) (已結業)

位於利舞台既岩鹽日本料理 係朋友早前推介我同姐姐去試💃🏻💃🏻 朋友話係日本菜中既唔錯選擇 今次無預早book位所以就特登早d到 6點半左右就入座 餐廳可能尚算新餐廳 所以客人唔算多 裝潢睇得出幾新淨同幾企理😚😚座位與座位之間既空間算多👍🏻 所以坐得幾舒服 岩坐得耐又想慢慢傾既客人 我地睇哂一次唔同既set dinner 然後我簡咗銀鱈魚🐟西京燒定食 配白飯 跟定食有飲品配 我嗌咗杯凍檸茶 茶味都幾濃 算大杯 檸檬味重 加埋夠哂凍 夏天☀️飲落真係透心涼🤤等咗幾分鐘 就馬上有刺身 沙律漬物同味噌湯 刺身分別有三款 有三文魚 甜蝦同鮮帶子 賣相見到已經覺得好新鮮 鮮帶子好爽口同彈牙 肉質夠肥美同爽甜 沙律菜同小蕃茄🍅都幾清甜同爽口 岩哂做開胃小菜😺銀鱈魚呈金黃色 煎得岩岩好👍🏻 銀鱈魚魚身含油量多 香味好突出 同時脂肪量重 我咬落去有入口即溶既感覺 而西京燒係醬料之中同銀鱈魚最襯 加上銀鱈魚肉質唔會偏硬 食落幾岩配飯 同我係日本食到既西京燒銀鱈魚相當相似 值得再試🙆🏻💁🏻埋單我地一人都係二百蚊左右 兩個人都食到相當滿足 係銅鑼灣食餐唔錯既日本菜晚餐 我地都覺得岩鹽係唔錯既選擇 有機會要再試佢