雞蛋仔專門店 (已結業)

本人好鐘意食雞蛋仔，但通常都係食原味，好少試其它，之前經過旺角見到呢間新開既雞蛋仔專門店，已經覺得個裝橫幾好，隻雞仔麥頭好得意！不過上次食左隔離街間瘋薯，食唔落雞蛋仔！今次經過就决定試下，見到好多人係到等緊，諗住行埋去俾錢攞飛仔啦，但望黎望去都見唔到收銀機，原來全程係靠伙記人腦去記，邊個叫先就整先，我就覺得呢點唔係咁好，攪到有d混亂！講返食物方面，叫左香芋雞蛋仔$13，等左大約15分鐘，終於整好，幾脆，香芋味亦都夠，雞蛋仔入便有竽頭(但都有幾粒入便係冇，可能人多太忙既關係啦！)不過整體黎講我都覺得好好味！最後最值得讚既係靠人腦記單既果位伙記哥哥，服務態度好好，下次一定再幫襯，好想試朱古力味！