OM Tapas (已結業)

算幾正宗既OM Tapas自從之前去完西班牙返到香港都冇乜見到正宗既西班牙菜，不過呢間都算係幾正宗，食到西班牙既味道！所謂tapas即係西班牙人用黎送酒既小食，份量一定係細啲既，大家要夠飽可以叫返啲飯同包食！由於係happy hour既關係，我地叫左3款送酒小食，炸豬耳、西班牙奄列tortilla同炸肉圓！炸物都幾脆口，不過tortilla有啲太焦啦，平時熱食都唔suppose煎既，不過味道就幾好，薯仔加蛋，好味！白酒煮蜆，啲蜆好鮮甜，同白酒好夾，好有海水味，正呀！我地仲叫左個慢煮蘋果豬髀，好入味啲豬好冧，而蘋果亦可以解膩，perfect match！仲有，當然要食paella西班牙海鮮飯啦，海鮮份量足，但係飯比起西班牙仲要硬，同個咸味都怪怪，我覺得似意大利飯多啲，可能要改善下！酒方面，當然要飲西班牙特色架啦！Sangria夠晒正宗，有濃濃既brandy味，唔似香港其他店只係溝果汁、糖水。而亦都叫左杯cava，即係西班牙式champagne，汽酒既一種！正！