影片
更多
2018-09-05
72 浏览
大蝦蛋包炒金邊粉 $98自兩個月前遊泰後又再見到Phad Thai如果大家仲記得就會知Phad Thai係泰國一樣地道菜 當地餐廳四處可見 係香港比較少食泰國菜既我今次都叫左份試下賣相黎講加哂分 第一次見呢種蛋包粉既效果 格仔feel 唔係蛋包飯果種密封式包法 主要材料蝦蝦就放哂係上面做蝦頂 斜斜地插左條蔥 花生碎辣粉同青檸伴碟金邊粉幾夠鑊氣 撈勻花生碎辣粉既有口感又辣辣地開胃 青檸汁相對份量幾多下既粉就無咁出 蝦其實唔大隻 不過幾彈牙幾好食平凡裡見真章 係泰花款既菜單揀左呢份"普通"貨色 實在無揀錯泰式小食拼盤(小) $88食小式泰式小食 xP拼盤食材包括串燒春卷魚餅蝦 全部都好泰式 一次滿足到你3+1個願望 仲多個kinder出奇蛋質素方面就只算standard 春卷唔錯 魚餅都幾濃味 蝦餅略dry 當然全部都可以沾汁食 汁有酸辣同沙嗲兩種 而沙嗲串火喉就over左啲 豬牛都有啲韌 串燒面既沙嗲汁好睇但係唔入味除非你係太少食泰小食(又食字xd) 如果唔係可以考慮留肚食其他 餐牌有好多特式選擇馬拉盞炒通菜 $78無得輸既泰國小菜 最穩陣既泰無伏之選呢道菜要成功其實唔難 要有足夠鑊氣
大蝦蛋包炒金邊粉 $98自兩個月前遊泰後又再見到Phad Thai
如果大家仲記得就會知Phad Thai係泰國一樣地道菜 當地餐廳四處可見 係香港比較少食泰國菜既我今次都叫左份試下
賣相黎講加哂分 第一次見呢種蛋包粉既效果 格仔feel 唔係蛋包飯果種密封式包法 主要材料蝦蝦就放哂係上面做蝦頂 斜斜地插左條蔥 花生碎辣粉同青檸伴碟
金邊粉幾夠鑊氣 撈勻花生碎辣粉既有口感又辣辣地開胃 青檸汁相對份量幾多下既粉就無咁出 蝦其實唔大隻 不過幾彈牙幾好食
平凡裡見真章 係泰花款既菜單揀左呢份"普通"貨色 實在無揀錯
泰式小食拼盤(小) $88食小式泰式小食 xP
拼盤食材包括串燒春卷魚餅蝦 全部都好泰式 一次滿足到你3+1個願望 仲多個kinder出奇蛋
質素方面就只算standard 春卷唔錯 魚餅都幾濃味 蝦餅略dry 當然全部都可以沾汁食 汁有酸辣同沙嗲兩種 而沙嗲串火喉就over左啲 豬牛都有啲韌 串燒面既沙嗲汁好睇但係唔入味
除非你係太少食泰小食(又食字xd) 如果唔係可以考慮留肚食其他 餐牌有好多特式選擇
馬拉盞炒通菜 $78無得輸既泰國小菜 最穩陣既泰無伏之選
呢道菜要成功其實唔難 要有足夠鑊氣 調味夠一定濃度 然後就沒有然後了
雖然味道上係過哂關 不過真係貴左d 矛盾既係總覺得街外菜好食過屋企菜唔少
甜品懷疑呢份喱喱杯係是日甜品 講懷疑係因為本來叫既係芒果糯米飯 不過見佢幾靚落錯單都照殺
兩個白色杯分別係椰汁啫喱同椰汁西米 兩樣都好食 西米當中咬落爽爽地 應該係加左馬蹄 藍色杯係蝶豆花啫喱 有飲過或者食過蝶豆花產品既朋友可能都知蝶豆花本身味道其實偏清淡 造成啫喱都幾夾下 又有視覺效果
最後一舊係椰汁西米糕 我至愛既泰式甜品 例牌斑蘭葉包裝 椰汁糕面西米底 同樣地西米當中都有加馬蹄增加咬口
呢份甜品迷你左少少 換句話唔使擔心好似芒果糯米飯咁食完主菜過飽食唔落 可以放膽一叫
蝶豆花青檸汁 $38檸檬草斑蘭葉汁 $28
同友人分別叫左杯泰式飲品
藍色果種一睇都估到係蝶豆花 蝶豆花味道本身清清地 基本上梳打味出啲 鍾意甜既可以好似凍檸茶咁加糖漿 上枱會跟埋一兜仔
另一杯黃黃地係lemongrass 店員話多人叫所以又叫左杯 味道幾特別 相對重口味啲 諗唔到類似既味道去形容 有興趣都可以試下
张贴
