影片
更多
2009-04-08
12 浏览
揀左在松屋為兩位朋友慶祝生日, 好彩松屋比到房我地, 令我地在房內玩過痛快, 不過地點就唔係好就腳, 無論在紅磡或尖沙咀火車站落車行去都幾遠~一入到鋪, 燈光是暗暗的, 擔心房內都係咁, 幸好房內燈光明亮, 感覺舒服. 由於房間size既限制, 我地都坐得幾迫.講返食物先, 種類雖然少, 但味道都幾好, 尤其係羊架、芝麻雞翼、牛舌、還有傳聞中店內有位風趣幽默的人士送給我地既焗三文魚腩, 入口即溶呀、炸三文魚皮亦好得意(好似食薯片咁)、廚師特別製作既煙肉焗扇貝就普通左d.刺身都ok啦, 第一盤拎黎既三文魚好好味, 但再點之後拿來的三文魚, 部份仲有d細粒雪響中間, 但唔嚴重既；而馬刀貝就好爽, 吞拿魚唔鞋唔多筋、魷魚都ok, 刺身既size係一般既size, 唔係細塊的. 正如其他人的食評一樣, 壽司d飯就唔得, 真係好散, 朋友夾兩次, 成舊飯分左屍….. 串燒類同一品料理類都幾好啦, 燒粟米好香, 燒蕃薯甜；最搞笑係雪糕, 張紙其實係只比點單球或雙球, 但我地就request芝麻+紅豆+綠茶+菠蘿4球放在 一杯, 各人都食得好開心; 飲品就黎得慢左d, 熱紫蘇梅幾好飲, 見到
一入到鋪, 燈光是暗暗的, 擔心房內都係咁, 幸好房內燈光明亮, 感覺舒服. 由於房間size既限制, 我地都坐得幾迫.
講返食物先, 種類雖然少, 但味道都幾好, 尤其係羊架、芝麻雞翼、牛舌、還有傳聞中店內有位風趣幽默的人士送給我地既焗三文魚腩, 入口即溶呀、炸三文魚皮亦好得意(好似食薯片咁)、廚師特別製作既煙肉焗扇貝就普通左d.
刺身都ok啦, 第一盤拎黎既三文魚好好味, 但再點之後拿來的三文魚, 部份仲有d細粒雪響中間, 但唔嚴重既；而馬刀貝就好爽, 吞拿魚唔鞋唔多筋、魷魚都ok, 刺身既size係一般既size, 唔係細塊的. 正如其他人的食評一樣, 壽司d飯就唔得, 真係好散, 朋友夾兩次, 成舊飯分左屍…..
串燒類同一品料理類都幾好啦, 燒粟米好香, 燒蕃薯甜；最搞笑係雪糕, 張紙其實係只比點單球或雙球, 但我地就request芝麻+紅豆+綠茶+菠蘿4球放在 一杯, 各人都食得好開心; 飲品就黎得慢左d, 熱紫蘇梅幾好飲, 見到朋友都點左幾次芒果紅茶, 應該都唔錯的~
我們買了生日蛋糕去, 松屋唔收切餅費. 店員好nice, 經常笑容滿面, 服務好, 唱生日歌時仲建議我地熄燈, 估唔到佢比我地咁做呀. 另外, 放題偶有漏留既情況松屋都會有, 不過向店員提出後, 佢地都即時跟進.
生日有8折, good~ 滿12位就有得book房, 無最低消費, 我建議book房, 因為房內真係好好多. 個人認為既然食物種類響9pm後唔會少左既話, 9pm後既價錢食會抵食d ($148+10%) , 不過我地全部都係住北區, 明早又要返工, 所以先要食8pm.
张贴
