影片
更多
2010-01-20
14 浏览
同一班姊妹食飯, 有人去過呢間唔錯, 就建議呢度之前我都經過幾次, 見佢d座椅竟然係一個彩色方型框圈住你既, 超得意, 已經勁想黎食! 訂檯打去好快有人聽, 雖然語氣唔算非常有親切, 但總算有禮貌, 而且行動迅速, 好快拎晒我d資料, 亦講明hold檯5分鐘 - 非常重點到達去到話佢知book左幾多位貴姓, reception姐姐無咩笑容, 而且唔知係咪客人唔多, 完全無check過本訂檯簿就直接帶我地入去, 都有可能係佢記得晒所有bookings既, 哈哈! 裝修一入去大家都留意住佢d得意座椅, 可惜我地一行5人, 如果四人或以下就有得坐喇! 哈哈! 其他地區既裝修都以鮮色為主, 有好有唔好, 可能有人會覺得太刺眼, 亦可能會增加食慾...anyway, 至少睇得出佢地用心去設計過! 餐單2款餐單, 一款係好多個set dinner套餐, 大部份都係情侶2人餐之類, 不過都有一人餐, 另一餐單係散叫, 有pizza, 意粉, 意大利飯, 甜品, 特飲...選擇非常之多, 而且圖片精美, 引得我地非常想叫晒所有野, 哈哈! Join VIP佢有會員卡, 詳情係檯面有個餐牌寫得好清晰,
之前我都經過幾次, 見佢d座椅竟然係一個彩色方型框圈住你既, 超得意, 已經勁想黎食!
訂檯
打去好快有人聽, 雖然語氣唔算非常有親切, 但總算有禮貌, 而且行動迅速, 好快拎晒我d資料, 亦講明hold檯5分鐘 - 非常重點
到達
去到話佢知book左幾多位貴姓, reception姐姐無咩笑容, 而且唔知係咪客人唔多, 完全無check過本訂檯簿就直接帶我地入去, 都有可能係佢記得晒所有bookings既, 哈哈!
裝修
一入去大家都留意住佢d得意座椅, 可惜我地一行5人, 如果四人或以下就有得坐喇! 哈哈!
其他地區既裝修都以鮮色為主, 有好有唔好, 可能有人會覺得太刺眼, 亦可能會增加食慾...
anyway, 至少睇得出佢地用心去設計過!
餐單
2款餐單, 一款係好多個set dinner套餐, 大部份都係情侶2人餐之類, 不過都有一人餐, 另一餐單係散叫, 有pizza, 意粉, 意大利飯, 甜品, 特飲...選擇非常之多, 而且圖片精美, 引得我地非常想叫晒所有野, 哈哈!
Join VIP
佢有會員卡, 詳情係檯面有個餐牌寫得好清晰, 當向侍應查詢時佢都會再講一次, 非常詳細:
價錢: $150
短期優惠: 2張$50coupon, 免費燒巴西豬肋骨伴燒烤醬, 免費色彩甜品拼盤 (3個月內使用)
長期優惠: 9折
儲分: $1 = 1.2分 (每唔知幾多分就可以換成現金付款)
即時申請左張, 填張好簡單既form, 即時可以選擇用9折或$50coupon或免費食物
洗手間
有一點唔明...我地張檯安排係比較入既區域, 佢帶我地行左一條好長既路先入到去, 後黎我出去洗手間時, 沿路出番去, 返黎個陣望一望另一條路, 試行一下, 竟然係快d就返到我地張檯...
莫非佢想顯示俾客人睇佢地餐廳有幾大, 所以帶我地遊一次花園?
正餐
煙鴨胸凱撒沙律伴吉列炸蝦
一拎黎已經有驚喜, 大家都驚嘆一聲: 好靚呀~~~
沙律有唔少蔬菜, 而且幾新鮮, 下面有塊好硬既麵包, 其實唔太知放係度做咩...
不過重點係個炸蝦就算唔大條, 都係即炸, 粉唔會落好多, 蝦好鮮味, 非常好食!
蟹肉南瓜湯
裝湯個碗非常別緻, 雖然份量比較少, 不過勝在味道唔錯, 而且夠熱.
唯一美中不足係唔多南瓜味, 亦好似唔見有蟹肉, 不過都ok既
麵包
無沙律個塊咁硬, 不過只係中間軟身, 周邊都係硬, 所以食得有dd辛苦... (最終我將塊硬餐包放落湯度, 反而幾ok, 哈哈! )
牛油係室溫所以軟身容易搽, 呢個值得一讚, 太多港式西餐廳唔理客人需求, 牛油完全搽唔到, 都唔知點食餐包, 最怕呢d...
紅酒燴牛尾配黑松露意式飯 $98
難得係意式飯整得唔硬, 好多時懶係忠於原著卻竟然飯心係未熟既, 我情願軟身d喇, 起碼唔會胃痛! 而且飯既份量都幾多, 唔會覺得寒酸囉~
紅酒汁+牛尾汁配搭一向好適合, 而且佢濃度剛好, 又唔會太鹹, 撈飯食一流!
勁多牛尾, 成4舊咁多! 舊舊都有肉既, 煮得好稔, 好味!!
焗肉醬千層麵 $78
其他姊妹一律叫呢個, 一拎黎就好特別, 係千層麵隔離有幾粒大大粒既炸波, 竟然係薯仔波!!
人人食左都話好味, 我試左半粒, 的確唔錯喎, 佢唔會包好多粉, 而且好熱, 一定係剛炸起既!
聽聞千層麵非常好食, 而且好多芝士, 真係有d心郁, 哈哈!
餐飲
同平時差唔多, 當我想叫少甜個陣佢會話你知自己落糖水的, 態度唔錯, 糖水既份量都好足夠
大家都因為個甜品餐牌而保留實力, 所以食完正餐就即刻叫!
甜品
法式燉蛋加雪糕 $25
呢個係有d失望...
睇餐牌時非常咁靚, 個雪糕大大個係上面, 下面個法式燉蛋比雪糕要闊一倍.......
點知拎到黎, 個雪糕無問題, 法式燉蛋竟然細左一半!
而且佢配搭得好奇怪...雪糕下面係一層cream, 下面再有雜果, 雜果配法式燉蛋又好怪, cream配雜果又好怪...最終都食到唔少怪怪既感覺....
燉蛋係唔錯既, 可惜上面個雪糕要食個陣會壓碎個層焦糖, 焦糖又比較薄, 所以又扣左d分啦...
朱古力泡芙山 $39
名符其實真係山一座! 同餐牌圖片一樣, 今次對辦喇!
都有差唔多7-8粒咁多, 姊妹食個陣發現入面係凍既朱古力雪糕!
佢就話好好味喇~
朱古力西多士配雪糕 $35
仍然對辦既甜品 (嗚...點解得我個燉蛋唔對辦架... )
一樣係好多粒, 大約有7-8粒既西多士, 細細粒, 已經覺得好得意!
西多士入面照樣有花生醬, 配雪糕食真係好好味!
可惜呢個份量真係多得濟, 2位姊妹各點一客, 都發現浪費左唔少, 下次都係share好d~
整體員工態度
無論申請vip卡, 落order, 執拾檯面等等都唔錯, order黎得算幾快, 只差2點:
1. 食沙律後期又上埋湯, 檯面其實都放左好多野, 如果可以食完先上湯會好d
2. 一次執碟時女侍應成隻叉跌落我度! 個下真係O左嘴, 心諗, 如果係切牛扒既刀咁點算! 所以都真係有少少擔心...
p.s. 聽聞set lunch + $15可以有自助沙律bar, 下次可以試下!
张贴
