味之亭網燒食堂 (已結業)

好耐無食過和牛，喺日本食完都好少會喺香港食，始終都有啲貴唔係太捨得🐂🍱極上和牛三式盛盒（$218)呢間食堂主要係食和牛，趁lunch Time抵食少少就過去試吓啦☺️ 叫咗一個極上和牛三式盛盒，和牛種類分別有鹿兒島黑牛同埋飛驒牛，西冷、肉眼同牛肋肉各兩件，可以試晒兩種牛嘅唔同部位😍😍 鹿兒島黑牛嘅肉味就較為濃郁，而飛驒牛就入口即溶，質感較好，但係其實得六小塊都依然唔係太夠喉，呢個價錢都唔算平，真係試吓就算了。