大榮華圍村菜 (已結業)

尋日細佬突然call我話去九龍灣大榮華食晚飯,當然奉陪到抵啦,call埋家姐同埋一個老死去一齊嘆啦...call齊人馬之後先記得上黎睇下咩情況,唔睇由志可,一睇就嚇餐死...咁多劣評.唔係話唔好食,就係服務態差,但無辦法照去啦...七點十五分去到攞位,之後當然唔會o係到等啦,走去德褔行o下先...8點15分返酒樓睇,唔係嗎,去得10幾張枱..但係竟然再等多10分鐘去多成30張枱,最終都係等o左個零鐘,都ok呀,大聲一叫好野沖入去,我地叫左個5餸餐..個5味鷄好入味,鮑汁魚肚都幾好味,不過唔係太特別..鮑汁花膠鴨掌,衰貪心,係咁叫埋d貴價野,點知冇黎味道,但係無理由呀,個鮑汁魚肚咁有味,點解咁...水準較為漂忽,蟹"跟"好味..不過就"希"d.最係個砵仔焗蠔,充滿好香o既果皮,香茜,味好濃,一d都唔"留",至於我就點都唔敢試豬油"佬"飯...最後埋單都係300蚊,好抵呀..地方就較為迫,而服務態度我個人黎講就一流喎..唔似d網友所講..其間"吹"過一碟餸,真係見佢去睇部電腦,然後再入廚房之後,再同我地講咩情形,好有交帶..仲有負責收錢個位妺妺仔,見我地無點全人頪都叫o既馬拉糕(因為我地實