興旺廚房

营业中

休息中

打風日，都係喺屋企樓下買外賣返屋企食~依家三餸飯新開張咗一陣，都未試過 今日見佢都有開門，一於就試吓啦！呢度兩餸飯$36,三餸飯$45，已經包括例湯或者熱飲 如果要半邊龍蝦就$55見到啲餸菜都幾靚，叫咗個三餸飯加半邊龍蝦🦞要咗一碗例湯同熱奶茶🥤三餸飯分別係雲耳蒸雞、三色水蛋同埋雜菌豆腐賣相都幾靚，最欣賞係個三色水蛋，蛋味濃郁，非常香滑、底部仲有鹹蛋同皮蛋！有心思嘅菜式～至於半邊龍蝦 都幾新鮮，蝦肉非常彈牙爽口，啖啖肉 份量都唔細～例湯清甜，應該冇乜點樣落味精，收貨～至於熱奶茶就非常濃郁，鍾意飲絲襪奶茶嘅唔好錯過！