越泰香辣軒 (已搬遷) 新店位置

在尖沙咀一帶遊走，想同朋友平平地晚飯，經過寶勒巷，看見香辣軒，想起openrice 消費指數，於是入去試試．睇一睇餐牌，應該好難達標．既然坐低，不妨試試．到泰式店，冬陰功是少不了．還要了雞串燒和醉貓海鮮炒河．為什麼叫醉貓？因為加咗辣椒！服務員都”幾”細心，問了我地加唔加菜，過一陣子又問加唔加飲品．我倆都拒絶了，還是想清減一點．小食好快上檯，雞雖然無雞味，不過又無雪味，點咗ｄ疑似花生醬，味道唔錯．之後上的冬陰功，用小蠟燭溫熱，但個湯唔夠熱．湯幾多料，蝦又煲到出味，所以個湯鮮甜，不過唔夠辣．醉貓河一樣，有點到喉唔到肺，隻貓無醉到，海鮮游咗去，獲氣又唔夠．同普通炒河差唔多．時間尚早，食飽之後，又轉戰另一個場．