甜在心 (已結業)

夜晚成點鐘先去搵甜品，見哩間門面幾好就入去啦~老板好好人，大力推介幾款甜品，不過得罪講句，有時過份好客真係有少少煩...因為老板既推介，所以叫左一份木糠布甸、一杯螺旋藻榴槤奶，另外再叫左兩個鮮果西米露~~推介木糠布甸，奶味幾香，朱古力粉又唔太過多，味道岩岩好。賣相一個透明高杯見到有分開四層，靚呀~~螺旋藻榴槤奶...老實，我分唔出同一般榴槤奶有乜野分別...鮮果西米露同一般糖水鋪食到既差唔多，無乜特別驚喜。咁靚既裝修環境，如果只係有一個木糠布甸，有少少浪費...