Passion (已結業)

好耐冇嚟喇！記得第一次仲係去灣仔嘅分店，當時灣仔係唯一嘅店，仲啱啱開，所以去到係好多人，繁忙時間仲要排隊！尖沙咀店我都係第一次去，依舊有個非常搶眼嘅長玻璃櫃，擺滿各式各樣嘅沙律、Pastry、Sandwiches同甜品。星期日下午行經河內道，朋友又話肚餓，於是就入去飲杯咖啡食啲嘢！我叫咗個salami & Spanish quiche 同一杯Pistachio Latte. Order 完乖乖哋返埋位等call 機響！咖啡一部機，食品一部機，都幾誇張好快就有得食，quiche 係我最鐘意食嘅coffee shop 食品之一，可惜對呢個有少少失望，皆因食落有d淡。明明係salami, 但就欠缺少少咸香味，而且雖然已經加熱，但加熱時間不夠，凍唔凍䁔唔暖咁，令個quiche 有點失色。Pistachio latte, 面頭嗰塊朱古力片慢慢溶化，加埋入開心果味嘅牛奶入面，估唔到又幾夾，幾特別呀！