影片
更多
2018-10-03
1579 浏览
秘製三重芝士撈丁 $46想試安安燒好耐 可惜見面不如聞名出名既芝士撈丁諗住係必叫 都有好幾款選擇 我就簡單揀左三重芝士要讚既係份量的確多 無論麵底定芝士 賣相都好cheesy 不過芝士就表面左啲 唔係好溶入麵中 我懷疑唔係好夠熱 出黎效果就係好乾身好漏唔知係咪我揀三重芝先至咁 不過其他特色啲芝士撈丁又更加貴 老實講唔抵食 始終成班咁低燒香甜車厘茄 $15呢份車厘茄其實睇唔出師傅手勢 因為基本上唔會伏係咁易燒幾下再加啲粉就已經足夠 始終車厘茄本身已經juicy 又唔會點酸 加上啲溫度已經好擺得入口呢度車厘茄串大大粒 叫黎開下胃都好燒娃娃菜 $14估唔到我係安安燒相對滿意既一樣就係燒娃娃菜食串燒我有食開娃娃菜菜心同韮菜 都係覺得娃娃菜同燒烤最夾 雖然淋身不過都有一定爽度 又無韮菜咬到牙都軟 而且 菜面淋上既唔知係咪燒烤汁又入味 唔試過實在唔知係燒烤佳物惹味沙茶燒金菇 $32凡事最怕比較 食過木屋燒烤燒金菇既我對同類產品有一定期望 結果現實同理想有段距離沙茶醬整金菇本身係有幾分特別 可惜在入味方面真係麻麻地 唔知係因為沙茶醬本身無木屋果隻重蒜味咁濃定係火喉未到 我係覺得有幾分菇還菇汁還汁 同
想試安安燒好耐 可惜見面不如聞名出名既芝士撈丁諗住係必叫 都有好幾款選擇 我就簡單揀左三重芝士
要讚既係份量的確多 無論麵底定芝士 賣相都好cheesy 不過芝士就表面左啲 唔係好溶入麵中 我懷疑唔係好夠熱 出黎效果就係好乾身好漏
唔知係咪我揀三重芝先至咁 不過其他特色啲芝士撈丁又更加貴 老實講唔抵食 始終成班咁低
燒香甜車厘茄 $15
呢份車厘茄其實睇唔出師傅手勢 因為基本上唔會伏
係咁易燒幾下再加啲粉就已經足夠 始終車厘茄本身已經juicy 又唔會點酸 加上啲溫度已經好擺得入口
呢度車厘茄串大大粒 叫黎開下胃都好
燒娃娃菜 $14
估唔到我係安安燒相對滿意既一樣就係燒娃娃菜
食串燒我有食開娃娃菜菜心同韮菜 都係覺得娃娃菜同燒烤最夾 雖然淋身不過都有一定爽度 又無韮菜咬到牙都軟 而且 菜面淋上既唔知係咪燒烤汁又入味 唔試過實在唔知係燒烤佳物
惹味沙茶燒金菇 $32
凡事最怕比較 食過木屋燒烤燒金菇既我對同類產品有一定期望 結果現實同理想有段距離
沙茶醬整金菇本身係有幾分特別 可惜在入味方面真係麻麻地 唔知係因為沙茶醬本身無木屋果隻重蒜味咁濃定係火喉未到 我係覺得有幾分菇還菇汁還汁 同菜名惹味二字不太符
不過又咁講 金菇本身都juicy 加上汁食差極都有限 所以又唔會難食既 只能講呢份只算中規中矩
麻吉年糕燒 $18
蒜蓉燒扇貝 (4隻) $49
燒海鮮相對貴少少 4隻扇貝呢個價其實叫幾平
同價錢成正比既係扇貝既size 去除左內臟其實真係無咩肉 蒜蓉落左唔少 不過唔入味 我始終覺得安安燒整體燒野既火喉係差幾分 我估溫度再熱啲可能會入味啲 我係第二度係食過好juicy既燒扇貝
燒孜然羊肉串 $29
肉類上個人最喜羊肉 所以食趁串燒都會叫 不過呢度既羊肉串就唔係幾岩我口味
今次唔係衰係燒既火喉上 而係肉質本身 第一次食羊肉全部都係肥肉 我個人真係寧願全瘦肉好過咁肥 羊肉串本身都夠細 首次會食剩... 另外條羊肉串夠騷味 我自己就鍾意羊肉騷既 可惜肥肉唔岩我 都唔知係我咁岩唔好采定係全部都係賣肥肉
燒雞軟骨串 (2串) $25
呢度既雞軟骨比較大粒 有別於市面常見果種
味道方面就無咩出奇 調味方面本身唔太夠 我都係自己喪落辣粉 咬落肉多過骨感覺少少怪怪的 個人覺得可叫可唔叫
皇牌燒牛舌 $35
牛舌都係我常叫既一份串燒 基本上同羊肉一樣 有得叫一定走唔甩
上枱見原來係厚身既牛舌 大大塊 厚燒牛舌可能皇牌就在呢方面
口感方面幾淋身 唔會韌 唯獨似燜多過似燒 我就鍾意燒得香口啲果種 可能薄燒牛舌會岩我啲 真係睇個人喜好
张贴
