HABITŪ table (ELEMENTS圓方) (已結業)

見到食評話呢間幾舒服，今日去開圓方就過嚟試試。 2人被安排坐卡位，十分唔錯好寬敞，溜冰場景，大家訂位時不妨要求安排卡座。由於啱啱飲完下午茶無幾耐所以只點兩款食品。蟹餅配番薯條$98 - 份量不多，蟹餅面頭略油但內𥚃蟹肉頗多。番薯條甜甜哋好好味😋烤厚切瀦柳扒$198 - 同之前於另一間分店食過一樣 - 肉質鬆軟有彈性，一點都不會嚡口，屬個人最喜愛菜式。甜品略嫌失色。玫瑰法式可麗餅$78 - 唔覺同玫瑰扯上任何關係，只有士多啤梨。可麗餅薄薄一塊加上雪糕同忌廉，無乜特別。雜莓班戟$78 - 即 hotcake 上面加啲不同嘅berries, 賣相靚但味道好一般。整體而言就是不過不失。